जसपा विवादमा यादवलाई बहुमत, रेशम चौधरी तटस्थ

काठमाडौं- जनता समाजवादी पार्टीको आधिकारिकता विवादमा निर्वाचन आयोग पुगेका रेशम चौधरी तटस्थ बसेका छन् । डिल्लीबजार कारागारबाट आयोग पुगेका उनले आधिकारिकता विवादमा मेरो पक्ष पनि जसपा हो, विपक्ष पनि जसपा हो भनेका छन् ।

जसपा आधिकारिता विवादमा निर्वाचन आयोगले बहुमत पक्ष छुट्याउन ५१ सदस्यीय केन्द्रीय कार्यकारिणी समितिका सदस्यलाई सोमबार बोलाएको थियो । सोमबार डिल्लीबजार कारागारबाट प्रहरीको गाडीमा राखेर निर्वाचन आयोग लगिएका चौधरीले आफूले जसपा विवादमा दुबै पक्षमा मत नदिएको जिकिर गरे ।

निर्वाचन आयोगकाे अनुसार उपेन्द्र यादवको पक्षमा ३४ र ठाकुर पक्षमा १६ जनाले हस्ताक्षर गरेका छन् । यादवको पक्षमा बहुमत भएकाले यादज पक्षले आधिकारिकता पाउने देखिएकाे छ ।