अब केपी ओलीलाई स्पष्टीकरण सोध्नुपर्छ: भीम रावल

काठमाडौं-

नेकपा एमालेका उपाध्यक्ष भीम रावलले पार्टी अध्यक्ष केपी ओलीले स्पष्टीकरण दिनुपर्ने बताएका छन् ।

माधव नेपाल समूहसम्वद्ध विद्यार्थीहरुको राष्ट्रिय कार्यकर्ता भेलालाई सम्बोधन गर्दै उनले स्पष्टीकरण आफूहरुले होइन, पार्टी अध्यक्ष केपी ओलीले दिनुपर्ने बताए ।

अब नेपाली जनताले ओलीलाई प्रतिनिधिसभा किन विघटन गरेको ? नागरिकता विधेयक किन संसदमा पेश हुन नदिएको ? लगायतका विषयमा स्पष्टीकरण सोध्ने उनले बताए । ‘पार्टी विधान विपरीत काम गर्ने व्यक्तिले तपाईंहरुले अनुशासन किन मान्नु भएन भनेर स्पष्टीकरण सोध्न लाज मान्नुपर्ने हो’ पार्टी अध्यक्ष ओलीतर्फ संकेत गर्दै रावलले भने ।

माधव नेपाल समूह प्रधानमन्त्री वलीसँग संसद बिघटन गरे देखी असन्तुस्त जनाउदै आएका छन् ।